14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Երևանում ադրբեջանցի դիվերսանտի ձերբակալելու լուրը կեղծ է․ բերման ենթարկվածը եղել է ՌԴ քաղաքացի․ ՆԳ նախարարի խոսնակ
Հասարակություն
09.04.2024 | 10:55
Սոցիալական ցանցերում տարածված տեղեկատվությունը, թե Երևանի կենտրոնում ադրբեջանցի դիվերսանտ է ձերբակալվել, կեղծ է և չի համապատասխանում իրականությանը, Factor.am-ին տեղեկացրեց Ներքին գործերի նախարարի մամուլի խոսնակ Նարեկ Սարգսյանը։
Նրա փոխանցմամբ՝ ապրիլի 8-ին ժամը 23:25-ի սահմաններում ՆԳՆ ոստիկանության ծառայողները Մաշտոցի պողոտա Ամիրյան փողոց խաչմերուկից թմրանյութ պահելու և օգտագործելու կասկածանքով ձերբակալել և ՆԳՆ ոստիկանության Կենտրոնական բաժին են տեղափոխել ՌԴ մի քաղաքացու:
«Նրա մոտ թմրանյութ չի հայտնաբերվել, պարզվել է, որ ՀՀ-ում է գտնվում տուրիստական նպատակով: Նա բաց է թողնվել»,-հավելեց նա։
