06.10.2026 | 22:54
Հայաստանի մի շարք հասցեներում էլեկտրաէներգիայի անջատումներ կլինեն
Սեդրակ Առուստամյանը Գագիկ Խաչատրյանի գործով հարցաքննվել է դռնփակ նիստում
Հասարակություն
05.04.2024 | 16:07
ՊԵԿ նախկին նախագահ, Ֆինանսների նախկին նախարար Գագիկ Խաչատրյանի գործով մարտի 7-ին տեղի ունեցած դռնփակ դատական նիստի ընթացքում սկսվել էր «Մուլտի գրուպ կոնցեռն» ընկերության խորհրդական Սեդրակ Առուստամյանի հարցաքննությունը, սակայն այն կիսատ է մնացել, քանի որ Գագիկ Խաչատրյանի առողջական վիճակը վատացել է։
Նշենք, որ Առուստամյանը ամիսներ շարունակ ներկայանում էր Խաչատրյանի գործով դատական նիստերին, սակայն նրա հարցաքննությունն այդպես էլ տեղի չէր ունենում, քանի որ կա՛մ Խաչատրյանն առողջական խնդիրների պատճառաբանությամբ չէր գալիս դատարան, կա՛մ ներկայացվում էին դատավորի բացարկի, Խաչատրյանին երկրից բուժման նպատակով դուրս գալ թույլատրելու և այլ միջնորդություններ։
Մարտի 7-ին նախորդած դատական նիստին դատավոր Արթուր Մկրտչյանը որոշել էր Խաչատրյանին բերման ենթարկել, և նա շտապօգնության մեքենայով, պատգարակի վրա ներկայացվել էր դատարան ու այդպես էլ մասնակցել ամբողջ դատական նիստին։
Սեդրակ Առուստամյանն այս գործով վերջին վկան է, նրա հարցաքննության ավարտից հետո պետք է հացաքննվեն մեղադրյալները, եթե նրանք ցուցմունք տալու ցանկություն ունենան, սակայն, ամենայն հավանականությամբ, այս փուլը ևս դռնփակ կանցկացվի։
Արաքս Մամուլյան
