14.10.2026 | 16:15
«Ռուսական երկաթուղիներ»-ը բաց է Հայաստանի հետ կոնցեսիոն պայմանագրի արդյունավետության համատեղ գնահատման համար
Ռոբերտ Քոչարյանը հիմք դրեց ընդերքի կողոպուտին, ինչը շարունակեց Սերժ Սարգսյանը, և հիմա նույն մարդիկ նույն տեմպերով հարստանում են․ Հակոբ Սանասարյան
Հասարակություն
21.08.2018 | 13:10
«Կանաչների միության» նախագահ Հակոբ Սանասարյանի համար անհասկանալի է Գյուղատնտեսության նախարարության կողմից գյուղոլորտում ծրագրված որոշ միջոցառումներ, որոնցից մեկն, օրինակ, վերաբերում է կաթիլային համակարգով գյուղատնտեսության զարգացմանը։
«Ի՞նչ է նշանակում հեղափոխական եղանակով կաթիլային համակարգ ներդնել և գյուղատնտեսություն զարգացնել։ Ես կարծում եմ, որ պետք է հրավիրել գյուղատնտեսության ոլորտի մասնագետների և հարցնել՝ արդյոք ՀՀ -ի համար կաթիլային համակարգը ցանկալի է, թե այն ունի ինչ-որ ստվերային կողմեր, հակառակ պարագայում վերցնել մի նախագիծ և մի քանի տողով նշել, որ ներդնում ենք կաթիլային համակարգ, ես կարծում եմ՝ սխալ է»,- այսօր «Կառավարության 100 օր, սպասել արմատական փոփոխություններ բնապահպանության ոլորտում» թեմայով քննարկման ժամանակ ասաց Հակոբ Սանասարյանը։
Խոսելով այս 100 օրվա ընթացքում Կառավարության կողմից հանքարդյունաբերության ոլորտում իրականացրած աշխատանքների մասին՝ նա նշեց, որ Բնապահպանության նախարարությունը կանգնած է հանքարդյունաբերության թիկունքում, և եթե խոսում են այդ ոլորտում առկա խնդիրների մասին, հենց Բնապահպանության նախարարությունն է, որ չեզոքացնում է բոլոր ռիսկերն ու բողոքները։
«Երբ Էրիկ Գրիգորյանը նշանակվեց նախարար, ես նշեցի, որ, եթե վարչապետը չլինի հանքատեր, Էրիկ Գրիգորյանը կարող է լավ նախարար լինել, սակայն, վերջերս ես լսեցի, որ Ամուլսարի հետ կապված Էրիկ Գրիգորյանն ասաց, թե կուսումնասիրենք, եթե վտանգ կա, կկասեցնենք։ Նման բան կարող է ասել մեր գյուղի սարերում անասնապահությամբ զբաղվող մարդը, որը չգիտի՝ ինչ ասել է հանքարդունաբերություն և գիտություն»,- ասաց նա։
Հակոբ Սանասարյանը նաև նկատեց, որ Ռոբերտ Քոչարյանը հիմք դրեց մեր ընդերքի կողոպուտին, ինչը շարունակեց Սերժ Սարգսյանը, և հենց հիմա նույն մարդիկ նույն տեմպերով հարստանում են և ոչինչի չի փոխվել։
