25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Ադրբեջանը ՀԱՊԿ անդամ երկրների հետ համատեղ զորավարժություններ է անցկացնելու
Քաղաքականություն
04.04.2024 | 16:34
Ադրբեջանի, Ուզբեկստանի, ինչպես նաև ՀԱՊԿ անդամ հանդիսացող Ղազախստանի, Ղրղզստանի և Տաջիկստանի պաշտպանության նախարարությունների միջև ստորագրված համատեղ պլանի համաձայն՝ ղազախական Ակտաու քաղաքում տեղի է ունեցել խորհրդակցություն՝ պլանավորելու «Միասնություն 2024» օպերատիվ-մարտավարական հրամանատարաշտաբային զորավարժությունները, հայտնում է Ադրբեջանի ՊՆ-ն։
Հանդիպմանը քննարկվել են զորավարժությունների նախապատրաստմանն ու կատարվելիք առաջադրանքներին վերաբերող մի շարք հարցեր։
Նշվում է, որ այս տարվա հուլիսին լայնածավալ զորավարժություններ կանցկացվեն Ղազախստանի «Օյմաշա» զորավարժարանի տարածքներում, ինչպես նաև Կասպից ծովի Տոկմակ հրվանդանում։ Զորավարժությունների շրջանակում զինվորականները կկատարեն «զինված հակամարտությունների տեղանքը որոշելու ուղղությամբ ուսումնական և մարտական առաջադրանքներ»։
