25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Իսրայելում ցուցարարները փորձել են ներխուժել Երուսաղեմում Նեթանյահուի նստավայր․ ՏԵՍԱՆՅՈՒԹ
Քաղաքականություն
03.04.2024 | 12:45
Իսրայելում կառավարության դեմ բողոքող քաղաքացիները ՀԱՄԱՍ-ի կողմից առևանգվածների հարազատների հետ փորձել են ներխուժել Երուսաղեմում վարչապետ Բենիամին Նեթանյահու նստավայր։
Ցուցարարների և պատանդների ընտանիքների երթը սկսվել է Կնեսետի շենքի մոտից։ Այնուհետև, ըստ The Times of Israel-ի, ցուցարարները գնացել են Գազայի փողոցում գտնվող Նեթանյահուի նստավայր։ Ոստիկանությունը փորձել է պատնեշներ կանգնեցնել, սակայն ցուցարարները սկսել են քանդել դրանք, հաղորդում է «Կան» ռադիոկայանը։
תיעוד: מפגינים מסירים גדרות ומתעמים עם המשטרה סמוך לבית ראש הממשלה ברחוב עזה @VeredPelman pic.twitter.com/z9V2S7Rmgt
— כאן חדשות (@kann_news) April 2, 2024
Ցուցարարներից մեկը մտել է ոստիկանական ջրցան մեքենայի անիվների տակ՝ այն կանգնեցնելու համար։ Ոստիկանները նրան այնտեղից դուրս են բերել։
המשטרה הביאה לצומת מטודלה מכתזית ומפגין נכנס מתחתיה, מונע הפעלתה ומסרב לצאת. המשטרה הפעילה בואש מהצינור התחתון להוציא אותו, בינתיים הוא מסרב לצאת pic.twitter.com/Yq7dVCspzp
— Bar Peleg (@bar_peleg) April 2, 2024
Yediot News պորտալը գրում է, որ արգելապատնեշները ճեղքելուց հետո ոստիկանությունը բերման է ենթարկել չորս մարդու։ Ըստ The Times of Israel-ի՝ Նեթանյահուի նստավայրի մոտ տեղի ունեցած բախումների ժամանակ ոստիկանները փորձել են ձերբակալել ՀԱՄԱՍ-ի մոտ գերության մեջ մնացած տարեց պատանդներից մեկի՝ Այալա Մեցգերի ազգականին՝ նրան քարշ տալով գետնով։ Մեկ այլ ցուցարար վառվող ջահ է նետել հեծյալ ոստիկանի վրա, նա նույնպես ձերբակալվել է։
שוטרים גוררים את אילה מצגר, כלתו של יורם מצגר החטוף בעזה, במהלך הצעדה לשחרור החטופים והחלפת נתניהו ליד בית ראש הממשלה. pic.twitter.com/pN1kem4frZ
— نير حسون Nir Hasson ניר חסון (@nirhasson) April 2, 2024
Ոստիկանությունը բերման ենթարկվածների վերաբերյալ պաշտոնական հայտարարություն դեռևս չի արել։
Նշեբք, որ մարտի 30-ին Թել Ավիվում տեղի է ունեցել Գազայի հատվածում պատերազմի սկզբից ի վեր ամենամեծ ցույցը, որին առևանգված իսրայելցի պատանդների ընտանիքները միավորվել են կառավարության դեմ բողոքող ընդդիմության անդամների հետ։ Նրանք պահանջում են անհապաղ գործարք՝ պատանդներին ազատ արձակելու համար՝ մեղադրելով Նեթանյահուին այն խափանելու մեջ։ Բողոքի ցույցեր են տեղի ունեցել այլ քաղաքներում ևս, ոստիկանությունը բերման է ենթարկել առնվազն 16 մարդու։
