16.01.2025 | 13:00
«Հայաստան-ԵՄ ռազմավարական գործընկերության խթանումը Վիշեգրադյան քառյակի փորձի հիման վրա». ՈՒՂԻՂ
ՀԱՊԿ-ից պատասխանել են Փաշինյանի հայտարարությանը
Քաղաքականություն
01.04.2024 | 18:04
Հավաքական անվտանգության պայմանագրի կազմակերպությունը արձագանքել է Երևանի պահանջին՝ պարզաբանել հանրապետությունում կազմակերպության պատասխանատվության տարածքի հարցը։ ՌԲԿ-ին ՀԱՊԿ-ից հայտնել են, որ Հայաստանում իր պատասխանատվության գոտին համարում է իր ինքնիշխան տարածքը «կարգավորված պետական սահմանների շրջանակներում»։
«Պատասխանատվության ոլորտի մասին ձևակերպումը բավականին բարդ է և ավելի շատ նպատակ ունի ուշադրություն հրավիրել հանրապետությունում տիրող իրավիճակի վրա, քան ստանալ առարկայական պատասխան, քանի որ համաձայն 2010 թվականի փոխգործակցության սկզբունքների մասին համաձայնագրի, որը ստորագրվել է ՀԱՊԿ-ի կողմից, պատասխանատվության տարածքը անդամ երկրների ինքնիշխան տարածքն է»,- փոխանցել են կառույցից։
ՀԱՊԿ-ում նշել են, որ «ՀԱՊԿ-ի պատասխանատվության տարածքն ավարտվում է այնտեղ, որտեղով անցնում է պետական սահմանը, որը կարգավորված է երկկողմանի հիմունքներով Հայաստանի և նրա հարևանների միջև»:
Հիշեցնեք, որ մարտի 12-ին տեղին տեղի ունեցած մամուլի ասուլիսի ժամանակ վարչապետ Նիկոլ Փաշինյանը խոսել էր ՀԱՊԿ-ից և մասնավորապես հայտարարել, եթե ՀՀ ինքնիշխան տարածքի վերաբերյալ ՀԱՊԿ-ի պատասխանը չհամապատասխանի մեր պատկերացումներին, ՀՀ-ն դուրս կգա ՀԱՊԿ-ից։
Փաշինյանը նաև ասել էր՝ պահանջում ենք, որ ՀԱՊԿ-ը պատասխանի մի հարցի՝ ո՞րն է ՀԱՊԿ պատասխանատվության գոտին ՀՀ-ում։
«Մենք ՀԱՊԿ-ի հետ կապված պրոբլեմ չենք ստեղծել: Բոլոր պրոբլեմները ստեղծվել են այն կետից, երբ մենք հարց ենք բարձրացրել, թե որն է ՀԱՊԿ-ի պատասխանատվության գոտին ՀՀ-ում և այդ հարցի պատասխանը չենք ստացել։ Այս հարցն էլ օդից չի ընկել։ Երբ տեղի են ունեցել 2021-ի մայիսի իրադարձությունները, պաշտոնապես արձանագրել ենք, որ կարմիր գիծը հատված է։ Հետո տեղի է ունեցել 2021-ի նոյեմբերի, 2022-ի սեպտեմբերի իրադարձությունները»,- շեշտել էր նա և նշել, եթե ՀՀ ինքնիշխան տարածքը ՀԱՊԿ-ի համար կարմիր գիծ է, ապա թող ցույց տան՝ որն է իրենց պատկերացրած ՀՀ ինքիշխան տարածքը։
Բացի այս, վարչապետի խոսքով, այսօր էլ այդ հարցը դրված է սեղանի վրա, եթե ՀԱՊԿ-ը պատասխանի այդ հարցին, կնշանակի, որ ՀՀ-ի և ՀԱՊԿ-ի միջև հարցերը լուծված են, եթե ոչ՝ Հայաստանը դուրս կգա ՀԱՊԿ-ից։
Եթե ոչ, ապա դուրս կգանք, ե՞րբ, չեմ կարող ասել. Փաշինյանը ներկայացրեց ՀՀ-ի պահանջը ՀԱՊԿ-ից. ՏԵՍԱՆՅՈՒԹ
