13.05.2026 | 18:42
Cherchez la femme. Թուրքիայում հարձակվել են «Արսենալի» նախկին ֆուտբոլիստի վրա
Առաջիկայում ԼՂ ի բնակիչների բնակարանային ծրագրի մասին մեր որոշումը կհայտնենք․ նախարար․ ՏԵՍԱՆՅՈՒԹ
Հասարակություն
28.03.2024 | 18:30
Առաջիկայում ԼՂ-ի բնակիչների բնակարանային ծրագրի մասին մեր վերջնական որոշումը կհայտնենք, այս մասին Factor TV-ի հետ զրույցում հայտնեց ՀՀ Աշխատանքի և սոցիալական հարցերի նախարար Նարեկ Մկրտչյանը՝ նշելով, որ ծրագրի վերաբերյալ ցանկացած առաջարկ դիտարկվում է։
Օրեր առաջ արցախյան 32 կազմակերպություններ, ձևավորելով «Արցախի ժողովրդի կարիքների ապահովման նախաձեռնությունը», բաց նամակ էին հղել ՀՀ կառավարությանը արցախցիների բնակարանային կարիքների բավարարման քննարկվող ծրագրի վերաբերյալ:
Նրանք առաջարկում են, որ կառավարությունը բնակելի անշարժ գույք ձեռք բերելու նպատակով յուրաքանչյուր բռնի տեղահանված անձի 3 մլն-ի փոխարեն հատկացնի 5 մլն դրամ։
«ԼՂ-ից տեղահանվածների բնակարանային ծրագրում տարբեր հանրային հնչեղության առաջարկներ կարող են տեղ գտնել»,- հավելեց նախարարը։
Բացի այդ, արցախցիները նաև պահանջում են, որ ծրագրի պարտադիրր պահանջ չլինի իրենց՝ ՀՀ քաղաքացիություն ստանալու հանգամանքը։
Աշխատանքի և սոցիալական հարցերի նախարարն առայժմ փակագծեր չի բացում, թե ինչ լուծում կտան արցախցիները բնակարանային ծրագրին, սակայն, պնդում է, որ քննարկումներ են իրականացնում՝ ծրագիրը լավարկելու նպատակով։
Ըստ Նարեկ Մկրտչյանի՝ այս պահին հստակ է մի բան․ ՀՀ քաղաքացիություն ունենալը ծրագրից օգտվելու համար պարտադիր է լինելու։
Մանրամասները՝ տեսանյութում։
