16.01.2025 | 12:00
Իսրայելն ու ՀԱՄԱՍ-ը պայմանավորվեցին հրադադարի մասին, Լիբանանում հայ է սպանվել․ ԼՈՒՐԵՐ
Հայաստանում չեմ․ Գուրգեն Արսենյանը՝ մանդատը վայր դնելու լուրերի մասին
Քաղաքականություն
27.03.2024 | 12:43
«Ես այս պահին Հայաստանում չեմ»,- Factor.am-ի հետ զրույցում այսպես արձագանքեց «Քաղաքացիական պայմանագիր» խմբակցության պատգամավոր Գուրգեն Արսենյանն՝ անդրադառնալով ԱԺ պատգամավորի մանդատը վայր դնելու մասին լուրերին։
Երբ խնդրեցինք ամեն դեպքում մեկնաբանել այդ տեղեկությունները, պատգամավորը կարճ պատասխանեց․ «Նման հարցերի չեմ անդրադառնում»։ Իսկ թե որտեղ է գտնվում իշխանական պատգամավորը՝ չկարողացանք ճշտել։
Հարկ է նկատել, որ խորհրդարանականների գործուղումների մասին որոշումներում պատգամավորի անունը որևէ ցուցակում ներառված չէ։
Մամուլում շրջանառվող տեղեկությունների համաձայն՝ Գուրգեն Արսենյանը իշխանությունների վարած տնտեսական քաղաքականության հարցում տարաձայնությունների պատճառով, հնարավոր է, առաջիկա շաբաթներին վայր դնի պատգամավորական մանդատը։
Ինչպես հայտնի է՝ դեռևս անցած տարվա սեպտեմբերին ՀՀ իշխանությունները Ռուսաստանի ԱԳՆ էին ուղարկել Արսենյանին ՌԴ դեսպան նշանակելու հայտը, բայց ագրեմանն (պետության նախնական համաձայնությունը՝ ընդունել որևէ անձի՝ որպես այլ պետության դիվանագիտ- խմբ․) այդպես էլ չի եղել։ Գուրգեն Արսենյանը լրագրողների հետ ճեպազրույցում հաստատել էր, որ Ռուսաստանում Հայաստանի դեսպանի պաշտոնում ներկայացվել է իր թեկնածությունը։
Միևնույն ժամանակ, նա ապատեղեկատվություն էր որակել այն լուրը, թե ՌԴ-ն մերժել է իր ագրեմանը։ Ռուսաստանում Հայաստանի դեսպանի պաշտոնն այս պահին զբաղեցնում է Պն նախկին նախարար Վաղարշակ Հարությունյանը։
