Քաղաքականություն
26.03.2024 | 20:54«Մեր գյուղերը տվողը հանցագործ է դառնալու»,- Factor TV-ի հետ հարցազրույցում ասաց ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը՝ շարունակելով պնդել Նիկոլ Փաշինյանի այն թեզը, թե Տավուշից հանձնվող տարածքներն «ադրբեջանական են»։
«Պետք է գտնել սահմանը, որտեղ առանց մեկս մյուսի վրա կրակելու կվերածվի պետական սահմանի։ Բարդագույն խնդիր է»,- ասաց Անդրանիկ Քոչարյանը։
Պատասխանելով հարցին, թե ինչպե՞ս է որոշվելու այդ սահմանը, երբ Երևանն ու Բաքուն քարտեզների շուրջ, ըստ Նիկոլ Փաշինյանի, համաձայնության չեն եկել, ՔՊ-ական պատգամավորն ասաց․ «Կան ինչ-որ քարտեզներ։ Կամ մի քարտեզ, որը սովետական տարիներին արտացոլել է իրական նկարագիրը․ դա ռազմական քարտեզն է»։
Անդրանիկ Քոչարյանը հարցազրույցի ընթացքում հստակ չպատասխանեց հարցին՝ արդյո՞ք կան ժամկետներ, թե այսպես կոչված, «ադրբեջանական տարածքները» երբ է Նիկոլ Փաշինյանը պատրաստվում հանձնել Ալիևին։
Մանրամասները՝ տեսանյութում։
Նարեկ Կիրակոսյան
