20.02.2026 | 10:50
Բաքուն հերքում է Թրամփին. Ադրբեջանը չի մասնակցի Գազայի համար 7 միլիարդ դոլարի ֆինանսական նախագծին
Տեսչական մարմինը ստուգումներ կիրականացնի Կապանի լեռնահարստացման կոմբինատում
Հասարակություն
26.03.2024 | 17:38
«Կապանի լեռնահարստացման կոմբինատ» ՓԲԸ-ը ներառվել է Առողջապահական և աշխատանքի տեսչական մարմնի (ԱԱՏՄ) 2024 թ-ի ստուգումների ծրագրում։
Այս ընկերությում առկա խնդիրներին Factor TV-ն անդրադարձել էր «Կամ կենդանի դուրս կգանք, կամ՝ ոչ․ ինչո՞ւ են հանքափորները մահանում ոսկու հանքերում․ ՏԵՍԱՆՅՈՒԹ» փաստաքննության մեջ։ Ընկերությունը, հիշեցնենք, շահագործում է Շահումյանի ոսկի-բազմամետաղային հանքավայրը։ Մենք պարզել էինք, որ հանքավայրում աշխատանքային անվտանգության հետ կապված լուրջ խնդիրներ կան, վերջին տարիներին հաճախակիացել են դժբախտ պատահարները, այդ թվում՝ մահվան ելքով։ Մասնավորապես՝ 2018-2023 թվականների ընթացքում 5 մահ է գրանցվել, որոնցից 4-ը՝ վերջին 3 տարիներին։
Factor․am-ը ԱԱՏՄ-ից հետաքրքվեց՝ ստուգումները լինելու են աշխատանքային անվտանգությա՞ն, թե՞ աշխատանքային օրենսդրության մասով, և ե՞րբ է նախատեսվում ավարտել դրանք։ Տեսչական մարմնից, սակայն, պատասխանել են, որ ըստ օրենքի՝ ստուգման ենթակա հարցերի շրջանակը ստուգումն սկսելուց առնվազն 3 աշխատանքային օր առաջ ներկայացվում է տնտեսվարող սուբյեկտի ղեկավարին կամ նրան փոխարինող պաշտոնատար անձին, իսկ կառավարության որոշմամբ՝ ստուգման ժամանակահատվածը ենթակա չէ հրապարակման։
Գայանե Խաչատրյան
