Քաղաքականություն
26.03.2024 | 18:25
ԵՄ-ում ՀՀ ներկայացուցչության ղեկավար, դեսպան Տիգրան Բալայանն արձագանքել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարի հայտարարությանը։
«Սիրելի՛ Տոյվո Կլաար, Ադրբեջանում ոչինչ չի կարող հեռարձակվել առանց նախագահ Իլհամ Ալիևի հաստատման, որը լուրջ չի ընդունում գործողություններով չաջակցվող զգուշացումներին։ Ալիևի ռեժիմը պատրաստվում է Հայաստանի դեմ նոր ագրեսիայի, քանի որ նա հետևանքների չի բախվել վերջին ագրեսիաների համար։ Մենք հավատում ենք ԵՄ-ի կարողությանը՝ կանգնեցնել Ալիևին Հայաստանին միանշանակ աջակցության միջոցով»,- գրել է Բալայանը X-ում։
Հիշեցնենք՝ Տոյվո Կլաարն անընդունելի էր համարել ադրբեջանական լրատվամիջոցներում Հայաստանի հասցեին հնչող սպառնալիքները։ Նա հայտարարել էր, որ «սահմանների սահմանազատման վերաբերյալ իրական բանակցություններ են անհրաժեշտ, և բոլոր տարածքային վեճերը պետք է լուծվեն խաղաղ ճանապարհով ու համաձայնեցված գործընթացի շրջանակում»։
