05.08.2026 | 12:44
Նեթանյահուն մերժել է Թրամփի առաջարկած Գազայի ծրագիրը և հրաժարվել զորքերը դուրս բերել՝ մինչև ՀԱՄԱՍ-ի զինաթափումը
Վրաստանի հետ համատեղ հռչակագրում էական առանցք է միմյանց տարածքային ամբողջականության և ինքնիշխանության անվերապահ ճանաչումը․ Փաշինյան
Քաղաքականություն
26.03.2024 | 10:38
Վարչապետ Նիկոլ Փաշինյանը և պաշտոնական այցով Երևան ժամանած Վրաստանի վարչապետ Իրակլի Կոբախիձեն քննարկել են համատեղ հռչակագրի գործնական իրագործման ուղղությամբ հնարավոր և անհրաժեշտ քայլերը։ Այս մասին Factor.am-ին հայտնեց վարչապետի մամուլի խոսնակ Նազելի Բաղդասարյանը։
Թեմային X-ի միկրոբլոգում անդրադարձել էր Նիկոլ Փաշինյանն՝ արձանագրելով․
«Ուզում եմ ընդգծել, որ այդ հռչակագրում էական առանցք է միմյանց տարածքային ամբողջականության և ինքնիշխանության անվերապահ ճանաչումը»։
Հիշեցնենք՝ հունվարի 26-ին Թբիլիսիում տեղի ունեցավ Հայաստանի Հանրապետության և Վրաստանի միջև տնտեսական համագործակցության միջկառավարական հանձնաժողովի 13-րդ նիստը, որի ընթացքում Հայաստանի և Վրաստանի միջև ստորագրվեց ռազմավարական համագործակցության մասին համատեղ հռչակագիր։
Ըստ Փաշինանի՝ հարևանի երկրի հետ համատեղ հռչակագիրը հավակնոտ հեռանկար է ուրվագծում բոլոր բնագավառներն ընդգրկող երկկողմ հարաբերությունների հետագա զարգացման համար:
