14.07.2026 | 11:04
Ուկրաինական ԱԹՍ-ները հարձակվել են ռուսական հերթական նավթավերամշակման գործարանների վրա
Հայաստանը շարունակում է ԵԱՏՄ-ի համար դոնոր լինել
Տնտեսություն
25.03.2024 | 18:20
Վերջին 2 տարիներին Հայաստանը ԵԱՏՄ երկրների բյուջեներ ավելի շատ գումար է փոխանցում որպես ներմուծվող ապրանքների մաքսատուրք, քան ստանում։ Ֆինանսների նախարարությունից Factor.am-ի հարցմանն ի պատասխան տեղեկացրին, որ 2023 թ-ին Հայաստանը ԵԱՏՄ ընդհանուր «կաթսա» փոխանցել է 184․9 մլրդ դրամ, իսկ այդ երկրներից՝ ստացել 71․1 մլրդ դրամ։ Այսինքն՝ Հայաստանը վճարել է 2․6 անգամ ավելի շատ գումար։
Համանման պատկեր է եղել նաև 2022 թ-ին՝ Հայաստանը 2․3 անգամ ավելի շատ է վճարել ընդհանուր «կաթսա», քան ստացել է։
Ընդ որում՝ 2022 թ-ի համեմատ 2023 թ-ին Հայաստանի փոխանցած գումարներն ավելացել են 47․2 %-ով, իսկ ստացած գումարները՝ 32%-ով։
Purple Illustrated Cocktails Presentation by Factor tv
Նշենք, որ 2020 թվականի հունվարի 1-ից ՀՀ պետական բյուջե է հաշվեգրվում երրորդ երկրներից Միության տարածք (Միության անդամ հանդիսացող ցանկացած պետություն) ներմուծվող ապրանքների մասով հաշվարկվող մաքսատուրքերի գումարի 1.22 %-ը:
Գայանե Խաչատրյան
