15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
Հայաստանից արտահանումը եռապատկվել է․ տնտեսական ակտիվության երկնիշ աճ է գրանցվել
Տնտեսություն
25.03.2024 | 13:11
Այս տարվա փետրվարին Հայաստանում տնտեսական ակտիվության ցուցանիշը, նախորդ տարվա նույն ամսվա համեմատ, աճել է 16,3%-ով։ Այս մասին տեղեկանում ենք ՀՀ Վիճակագրական կոմիտեի հրապարակած տվյալներից։
Ամենաբարձր աճը գրանցել է արտաքին առևտրաշրջանառության ոլորտը՝ 2,2 անգամ։ Ներմուծումն աճել է շուրջ 80%-ով, իսկ արտահանումը՝ շուրջ 3 անգամ։
36,4%-ով աճել է արդյունաբերական արտադրանքի ծավալը, 28,3%-ով՝ առևտրաշրջանառությունը, 11,7%-ով շինարարության ծավաը, 6%-ով՝ ծառայությունների ծավալը։
Սպառողական գների ինդեքսը նվազում է գրանցել 1,7%-ով, արդյունաբերական արտադրանքի գները նվազել են 0,6%-ով, էլեկտրաէներգիայի արտադրությունը՝ 3,1%-ով։
Ընդհանուր առմամբ, այս տարվա առաջին երկու ամիսներին, նախորդ տարվա նույն ժամանակահատվածի համեմատ, տնտեսական ակտիվության ցուցանիշն աճել է 13,6%-ով։
