05.06.2026 | 01:33
ԵԱՀԿ մինսկի խումբը միշտ խաղացել է երկդիմի խաղ․ Փաշինյան․ ՏԵՍԱՆՅՈՒԹ
Ադրբեջանն ասում է՝ ազատե՛ք իմ տարածքները, եթե ոչ՝ կռվով եմ վերցնելու․ Գագիկ Մելքոնյան․ ՏԵՍԱՆՅՈՒԹ
Քաղաքականություն
20.03.2024 | 15:32
«ՀՀ սահմաններից ոչ մի թիզ հող Ադրբեջանին չենք տալիս, իրենց գյուղերն են պահանջում»,- Factor TV-ի հետ զրույցում նման տեսակետ հայտնեց ՀՀ ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը՝ պնդելով, որ Տավուշի տարածքում գտնվող 4 բնակավայրերն Ադրբեջանին են պատկանում։
Մելքոնյանը հայտարարեց․ «Ադրբեջանն ասում է՝ ազատեք իմ տարածքները, եթե ոչ՝ կռվով եմ վերցնելու»։
Անդրադառնալով Տավուշի մարզում սահմանազատման աշխատանքներին՝ ԱԺ պաշտպանության և անվտանգության մշտական հարցերի հանձնաժողովի անդամը շեշտեց, որ հայ-ադրբեջանական սահմանի այդ հատվածում պատնեշ են կառուցելու, ինչն, ըստ նրա, անվտանգության հարցերը կլուծի։
«Տավուշի մարզում նոր ճանապարհ ենք կառուցելու, ինչպես արել ենք Գորիս- Կապանի դեպքում։ Սահմանագծման աշխատանքներից հետո այնտեղ, որտեղ մեր ճանապարհներն անցնում են Ադրբեջանի տարածքով, այդ հատվածներով նոր ճանապարհներ ենք կառուցելու»,- ասաց իշխանական պատգամավորը։
Մանրամասները՝ տեսանյութում։
