08.12.2025 | 12:17
Անահիտ Մանասյանի ճեպազրույցը. ՈՒՂԻՂ
ԱՄՆ Պետդեպը՝ Երևան և Բաքու Լուիս Բոնոյի այցերի մասին
Քաղաքականություն
19.03.2024 | 12:58
ԱՄՆ Պետքարտուղարությունը վերահաստատում է իր մտադրությունը՝ «նպաստելու ցանկացած գործընթացի, որը խաղաղություն և կայունություն կբերի Հարավային Կովկասի ժողովուրդներին», ադրբեջանական Թուրան գործակալության Վաշինգտոնի թղթակցին ասել են ամերիկյան արտաքին քաղաքական գերատեսչությունից։
Պետքարտուղարության մեկնաբանությունները հնչում են այն բանից հետո, երբ տարածաշրջան է այցելել կովկասյան բանակցությունների գծով ավագ խորհրդական Լուիս Բոնոն՝ բանակցություններ անցկացնելով Հայաստանի և Ադրբեջանի բարձրաստիճան պաշտոնյաների հետ և քննարկելով կայուն և արժանապատիվ խաղաղության հասնելու ջանքերը:
«Մենք մանրամասներ չունենք, որը կարող էինք հայտնել։ Կովկասի բանակցությունների գծով ավագ խորհրդական Լուիս Բոնոն հաճախ է մեկնում տարածաշրջան՝ քննարկելու ԱՄՆ-ի աջակցությունը Կովկասում խաղաղության գործընթացին և կայուն և արժանապատիվ խաղաղության հասնելու ուղիները: Բոնոն պարբերաբար խոսում է Հայաստանի և Ադրբեջանի մի շարք առանցքային շահագրգիռ կողմերի հետ՝ աջակցելու խաղաղության գործընթացին: Մենք պատրաստ ենք աջակցել ցանկացած գործընթացի, որը խաղաղություն և կայունություն կբերի Հարավային Կովկասի ժողովուրդներին»,- ասել է լրատվամիջոցին Պետքարտուղարության ներկայացոցիչը։
Հավելենք, որ նախօրեին Բոնոն Բաքվում բանակցություններ էր անցկացրել Ադրբեջանի ԱԳ նախարար Ջեյհուն Բայրամովի հետ։ Ավելի վաղ նա այցով Երևանում էր։
