12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Բուլինգը՝ «3+1 խոզուկներ»-ի կերպարանքով․ ինչ է պատմում մանկական ինտերակտիվ ներկայացումը. ՏԵՍԱՆՅՈՒԹ
Հասարակություն
18.03.2024 | 21:32
Կոտայքի մարզի Ակունքի միջնակարգ դպրոցում բեմադրված «Երեք +1 խոզուկները․ աշնանային հեքիաթ բուլինգի մասին» մանկական ինտերակտիվ ներկայացումը նվիրված է դպրոցական բուլինգի կանխարգելմանը։ Այն «Երեք խոզուկներ» հայտնի հեքիաթի մոտիվներով, բայց նոր ասելիքով է։ Ներկայացման ընթացքում աշակերտները մատնանշել են բուլինգի տեսարանները, լուծումներ առաջարկել նման իրավիճակներից։
Ներկայացումը նախատեսված է 3-8-րդ դասարանի աշակերտների համար։ Նախագիծն իրականացվում է «Քաղաքացիական հասարակությունը քեզ համար» նախաձեռնության շրջանակում, որում ընդգրկված է հայաստանյան 9 հասարակական կազմակերպություն։ Ինտերակտիվ մանկական ներկայացումն իրականացրել է «Փոփոխությունների թատրոն» մշակութային հասարակական կազմակերպությունը՝ Ժողովրդավարական զարգացման հիմնադրամի հետ համագործակցությամբ։
«Փոփոխությունների թատրոն»-ի դերասան Վահագն Գասպարյանի խոսքով՝ պիեսը գրվել է բուլինգի բոլոր դրսևորումները հաշվի առնելով, նաև մանկական հոգեբանների ներգրավմամբ։
Ակունքի միջնակարգ դպրոցի տնօրեն Իրինա Սարգսյանը նշում է՝ երեխաները հաճախ են կանգնում բուլինգի ենթարկվելու խնդրի առաջ։ Ըստ նրա՝ ուսուցչական կազմի և ծնողների հետևողականության շնորհիվ դրանք լուծում են ստանում։
Մինչ այս, ներկայացումներ են եղել Արարատի և Կոտայքի 3 դպրոցներում, դրանց ընդհանուր 300 աշակերտ է մասնակցել։ Ակունքի հիմնական դպրոցում ներկայացումը վերջինն էր ծրագրի շրջանակում։
Ժողովրդավարության զարգացման հիմնադրամի հաղորդակցության պատասխանատու Եկատերինա Պողոսյանի խոսքով՝ ծրագրի նպատակն է Հայաստանում մեծացնել իրավունքների պաշտպանության և ժողովրդավարական արժեքների գաղափարների տարածումը։
«Փոփոխությունների թատրոն»-ի դերասան Վահագն Գասպարյանն էլ վստահեցնում է՝ ներկայացումը սիրվել է աշակերտների կողմից։ Հուսով են, որ Ժողովրդավարության զարգացման հիմնադրամի հետ համագործակցությունը շարունակական կլինի, և ավելի շատ դպրոցներում կկարողանան ներկայանալ։
Մանրամասները՝ տեսանյութում։
Անի Թամրազյան
