14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Խուզարկության արդյունքում ձերբակալվել են Երևանի քաղաքապետարանի աշխատակիցներ
Հասարակություն
14.03.2024 | 14:57
Factor.am-ի տեղեկություններով` Երևանի քաղաքապետարանի երկրորդ մասնաշենքում Հակակոռուպցիոն կոմիտեի քննիչների կողմից այսօր կատարված խուզարկությունների արդյունքում կան ձերբակալվածներ։ Քաղաքապետարանի աշխատակազմի ճարտարապետության և քաղաքաշինության վարչությունում քննչական գործողությունն իրականացվել է կոմիտեում քննվող կոռուպցիոն գործի շրջանակներում: Վարույթն իրականացնող մարմինը` Հակակառուպցիոն կոմիտեն մանրամասներ չի հայտնում:
Նշենք, որ Factor TV-ի տեսախցիկն արձանագրել էր` ինչպես են քաղաքապետարանի 2-րդ մասնաշենքից Հակակոռուպցիոն կոմիտեի աշխատակիցները հեռանում` տանելով փաթեթավորված իրեր և փաստաթղթեր: Ինչ են տանում իրենց հետ և ինչու էին մտել քաղաքապետարան՝ այս հարցերին աշխատակիցները չէին պատասխանել:
Հակակոռուպցիոն կոմիտեի մամուլի խոսնակ Մարինա Օհանջանյանը Factor TV-ին հայտնել էր, որ քաղաքապետարանի 2-րդ մասնաշենքում խուզարկությունն իրականացվել է իրենց մոտ քննվող քրեական վարույթի շրջանակներում` առանց մանրամասներ հաղորդելու:
Արփի Հակոբյան
