08.09.2026 | 12:54
Ֆինլանդիան Ռուսաստանի հետ սահմանին 200 կիլոմետրանոց ցանկապատ է կառուցել
Դե յուրե մեր սահմաններից դուրս գտնվող կոմունիկացիաները պետք է վերակառուցենք․ Փաշինյան․ ՏԵՍԱՆՅՈՒԹ
12.03.2024 | 12:56
Եկեք նախ արձանագրենք՝ ո՞րն է ՀՀ-ն, որ հասկանանք, թե որտեղ Ադրբեջանը ունի տարածքային պահանջներ Հայաստանի նկատմամբ, որտեղ՝ չունի։ Մամուլի ասուլիսի ժամանակ այս մասին ասաց վարչապետ Նիկոլ Փաշինյանը՝ պատասխանելով Ադրբեջանի՝ Հայաստանից 4 գյուղերի պահանջի մասին հարցին։
Նիկոլ Փաշինյանը քարտեզ ներկայացրեց, թե որն է Հայաստանի Հանրապետությունը։ Վարչապետը հայտարարեց, որ ոչ մի քննարկման ժամանակ խոսք չի եղել և չի կարող լինել Տավուշի մարզի որևէ գյուղ հանձնելու մասին։
«Երբ ադրբեջանական մամուլում բարձրաձայնվում են գյուղերի անուններ, ՀՀ տարածքում երբեք այդպիսի անուններով գյուղեր չեն եղել, ընդ որում՝ ոչ միայն խորհրդային ժամանակներում, այլև խորհրդային ժամանակներից հետո»,- ասաց նա։
Նիկոլ Փաշինյանը չբացառեց,, որ դելիմիտացիայի գործընթացը կարող է սկսվել Տավուշի մարզից։
«Այս գործընթացի շուրջ որոշումներ կայացնելիս մենք պետք է ելնենք իրողությունների և իրավիճակի համապարփակ վերլուծությունից։ Այս պահի դրությամբ որոշումներ չունենք»,-ընդգծեց կառավարության ղեկավարը։
Նիկոլ Փաշինյանը նաև հայտնեց, որ առաջիկայում պատրաստվում է մեկնել Տավուշի մարզ և տեղում ծանոթանալ իրավիճակին։
Մանրամասները՝ տեսանյութում։
