12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ՀՀ-ից անդամակցության դադարեցման պաշտոնական հայտարարություն չի ստացվել․ ՀԱՊԿ գլխավոր քարտուղար
Քաղաքականություն
12.03.2024 | 11:06
Երևանը վերջին շրջանում չի մասնակցում Հավաքական անվտանգության պայմանագրի կազմակերպության քարտուղարության աշխատանքներին, սակայն կազմակերպությանը Հայաստանի անդամակցությունը դադարեցնելու մասին պաշտոնական հայտարարություններ չեն եղել։ Այս մասին ՏԱՍՍ-ին տված հարցազրույցում հայտարարել է ՀԱՊԿ գլխավոր քարտուղար Իմանգալի Տասմագամբետովը։
«Երևանն, իսկապես, վերջին շրջանում չի մասնակցում ՀԱՊԿ քարտուղարության աշխատանքներին։ Դա Հայաստանի որոշումն է ներկա փուլում, և մենք, որպես միջազգային կազմակերպություն, հարգում ենք ինքնիշխան պետության ցանկացած որոշում։ Այդուհանդերձ, կազմակերպության գործունեությունը շարունակվում է ամբողջ ծավալով, բոլոր ընթացակարգերը պահպանվում են ՀԱՊԿ կանոնակարգերին լիովին համապատասխան»,-ասել է կառույցի գլխավոր քարտուղարը՝ նշելով, որ ընդունված ու չընդունված որոշումների մասին քարուղարությունը աշխատանքային ռեժիմում տեղեկացնում է Երևանում համապատասխան կառույցներին։
«Հայաստանի Հանրապետության պաշտոնատար անձանց նշյալ հայտարարությունների առնչությամբ նշում եմ, որ Երևանից քարտուղարությունը կազմակերպությանն անդամակցությունը դադարեցնելու վերաբերյալ պաշտոնական հայտարարություններ չի ստացել»,-ասել է Տասմագամբետովը՝ հայտարարելով, որ Երևանը մնում է դաշնակից։
«Չեմ թաքցնի, որ Հայաստանի վերնախավի շրջանում որոշակի իրադարձություններ և տրամադրություններ անհանգստություն են առաջացնում։ Սակայն մենք հույս ունենք Հայաստանի քաղաքական ղեկավարության քաղաքական սթափության և կազմակերպության հետ կապված տարբեր սցենարների իրականացման հեռանկարների հավասարակշռված գնահատականի վրա։ Ընդգծեմ, որ Հայաստանը մնում է մեր դաշնակիցը, գործող բոլոր պարտավորությունները մնում են ուժի մեջ», -նշել է ՀԱՊԿ գլխավոր քարտուղարը։
.
