12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
ՌԴ-ն ՀՀ-ի համար ամենամեծ սպառնալիքն է Թուրքիայից և Ադրբեջանից հետո․ IRI-ի հարցման արդյունքը
Քաղաքականություն
11.03.2024 | 19:11
Միջազգային հանրապետական ինստիտուտը (IRI) հարցումներ է իրականացրել՝ պարզելու համար, թե ՀՀ քաղաքացիները ինչպես են գնահատում ՀՀ-ի և մյուս պետությունների միջև հարաբերությունները։
Միջազգային հանրապետական ինստիտուտը հարցումներն իրականացրել է 2023 թվականի դեկտեմբերի 13-22-ն ընկած ժամանակահատվածում՝ հեռախոսային հարցման մեթոդով։ Հարցմանը մասնակցել է 18 տարին լրացած 1 508 ՀՀ քաղաքացի։
Հարցման մասնակիցների կարծիքով Հայաստանի համար ամենամեծ քաղաքական սպառնալիքը ներկայացնում է Ադրբեջանը։ Այս պատասխանն է տվել 86 %-ը, երկրորդ տեղում Թուրքիան է, որին քաղաքական սպառնալիք է համարում 82 %-ը։
40%-ը որպես քաղաքական սպառնալիք նշել է ՀՀ-ի ռազմավարական դաշնակից համարվող Ռուսաստանի Դաշնությունը։ Եթե հարցվածների համար ՌԴ-ն քաղաքական սպառնալիքի առումով երրորդ տեղում է, ապա տնտեսական առումով երկրորդ տեղում է։ 51%-ի համար ՀՀ տնտեսության ամենամեծ սպառնալիքը Ռուսաստանն է։
Հարցվածների գերակշիռ մասը 54 տոկոսը Թուրքիան է համարում ամենամեծ սպառնալիքը ՀՀ տնտեսության համար, իսկ 50 տոկոսը՝ Ադրբեջանը։
