05.06.2026 | 13:10
ՌԴ ԿԸՀ անդամները դիտորդություն կիրականացնեն ՀՀ ԱԺ ընտրությունների ժամանակ
«Սուրբ Աստվածամայր» ԲԿ-ում երեխա է մահացել
11.03.2024 | 15:58
Երևանի «Սուրբ Աստվածամայր» բժշկական կենտրոնում 9-ամյա երեխա է մահացել։ Տեղեկությունը Factor TV-ի հետ զրույցում հաստատեց Առողջապահության նախարարի մամուլի քարտուղար Մարիամ Ծատրյանը, զերծ մնալով այս պահին այլ մանրամասներ հայտնելուց։
Ավելի վաղ երեխայի մահվան մասին հայտնել էր «Առողջության իրավունք» իրավապաշտպան ՀԿ համանախագահ Ծաղիկ Վարդանյանը։ Մասնավորապես, նա ահազանգել էր «ջրծաղիկ վիրուսային վարակիչ հիվանդություն» ախտորոշումով բուժօգնություն ստացող բուժառուի մահվան մասին։
«Այսօր, ըստ մեր հավաստի աղբյուրների, Երևանի քաղաքապետարանի ենթակայությամբ գործող «Սուրբ Աստվածամայր» բժշկական կենտրոնում «ջրծաղիկ վիրուսային վարակիչ հիվանդություն» ախտորոշումով բուժօգնություն ստացող բուժառուի (Հ..Կ Տ…Ն ծնված 2015թ.) մոտ արձանագրվել է կենսաբանական մահ»,- ֆեյսբուքյան իր էջում գրել էր Վարդանյանը։
«Երեխայի մահվան պատճառը միայն դատաբժշկական եզրակացությունը ցույց կտա, այս պահին այլ տեղեկություններ հայտնել չենք կարող»,- Factor TV-ի հետ զրույցում ասաց Առողջապահության նախարարի մամուլի քարտուղար Մարիամ Ծատրյանը։
