11.12.2024 | 16:35
Ասադին տապալած սիրիացի ապաստամբներն Ուկրաինայից օգնություն են ստացել․ Washington Post
Թուրքիան դարձել է զենք արտահանող աշխարհի 11-րդ երկիրը․ SIPRI
Քաղաքականություն
11.03.2024 | 17:09
Թուրքիայից զենքի արտահանումը 2019-2023 թվականներին, 2014-2018 թվականների համեմատ, աճել է 106 տոկոսով: Այս մասին ասվում է Ստոկհոլմի Խաղաղության միջազգային հետազոտությունների ինստիտուտի՝ SIPRI-ի զեկույցում։
Այսպիսով, Թուրքիան դարձել է աշխարհում զենքի 11-րդ խոշորագույն արտահանողը՝ ԱՄՆ-ից, Ֆրանսիայից, Ռուսաստանից, Իտալիայից, Հարավային Կորեայից, Չինաստանից, Գերմանիայից, Մեծ Բրիտանիայից, Իսպանիայից և Իսրայելից հետո:
Թուրքիան ամենաշատ զենքն արտահանել է ԱՄԷ՝ 15 տոկոս, նրան հաջորդում են՝ Կատարը՝ 13 տոկոսով և Պակիստանը՝ 11 տոկոսով։
Նշվում է նաև, որ «Նիգերիային հարվածային ուղղաթիռների, ինչպես նաև մարտական վարժեցնող սարքերի և անօդաչու թռչող սարքերի մատակարարումների շնորհիվ այն դարձել է Սահարայից հարավ Աֆրիկայի չորրորդ խոշորագույն մատակարարը՝ 6,3 տոկոս մասնաբաժնով։
Զենքի ներմուծումն էլ Թուրքիայի պարագայում, 2014-2018 թվականների համեմատ, նվազել է 29 տոկոսով։ Թուրքիան զենքի ներմուծմամբ 17-րդ երկիրն է։ Այն սպառազինության մեծ մասը ներկրել է Իսպանիայից, Իտալիայից և Ռուսաստանից։
