14.09.2026 | 19:44
Երևանում մեկնարկել է կայուն տրանսպորտային միջանցքներին նվիրված աշխատաժողով
Հայաստանում ավելի քան 28 հազար կին գործազուրկ է
Հասարակություն
08.03.2024 | 17:40
2023 թ-ի վերջին Հայաստանում աշխատանք փնտրող կանանց թիվը 36 %-ով ավելի է նույն կարգավիճակում գտնվող տղամարդկանց թվից․ դեկտեմբերին աշխատանք է փնտրել 39 116 կին և 25 074 տղամարդ։ Ըստ Վիճակագրական կոմիտեի՝ նրանցից գործազուրկ է 28 016 կին և 18 003 տղամարդ։
Ուշագրավ է, որ 2022 թ-ի համեմատ գործազուրկ կանանց թիվն ավելի շատ է կրճատվել, քան գործազուրկ տղամարդկանց թիվը, համապատասխանաբար՝ 8․3% և 0․1%։
Գործազուրկ կանանց մեծ մասը՝ 68․5 %-ը, 35 և ավելի տարիքի են, 30-34 տարիքային խմբի մոտ գործազրկությունը 15 % է։
Գործազուրկ կանանց կեսից ավելին՝ 53․9 %-ը, միջնակարգ կրթություն ունի, միջին մասնագիտական կամ թերի բարձրագույն կրթություն ունեցողները 19․5 % են կազմում, իսկ բարձրագույն կամ հետբուհական կրթություն ունեցող կանանց կշիռը գործազուրկների մեջ 14․7 % է։
Գայանե Խաչատրյան
