15.05.2026 | 15:44
Կարապետյանները թող հաշիվ տան, ասեն` չեն ծառայել, որովհետև ճարպիկ են, փախել են. Սուրեն Պապիկյան. ՏԵՍԱՆՅՈՒԹ
ԱԱԾ-ի աշխատողի օրն այլևս չի նշվի խորհրդային КГБ-ի «Չեկիստի օրը»՝ դեկտեմբերի 20-ին
Քաղաքականություն
07.03.2024 | 13:15
Կառավարությունն այսօր որոշում է ընդունել, ըստ որի՝ Հայաստանի Հանրապետությունում ազգային անվտանգության մարմինների աշխատողի օրը դեկտեմբերի 20-ի փոխարեն կնշվի հունվարի 8-ին։
Որոշման նախագիծը ներառված էր ՀՀ կառավարության մարտի 7-ի նիստի չզեկուցվող հարցերի փաթեթում։ Հիմնավորման մեջ նշվում է, որ 2024 թվականի հունվարի 8-ին Հանրապետության նախագահի կողմից ստորագրվել են «Ազգային անվտանգության մարմիններում ծառայության մասին» օրենքում փոփոխություններ կատարելու մասին և կից օրենքների փաթեթը, որոնցով, ըստ էության, համակարգային փոփոխություններ են նախատեսվել Ազգային անվտանգության ծառայության ղեկավար կազմի նշանակման և ծառայության կազմակերպման կարգի մասով, ինչն էլ հիմք ընդունելով, առաջարկվում է Հայաստանի Հանրապետությունում ազգային անվտանգության մարմինների աշխատողի օրը նշել յուրաքանչյուր տարի՝ հունվարի 8-ին։ Նախագիծը մշակվել է ՀՀ վարչապետի աշխատակազմի կողմից։
Թեև հիմնավորման մեջ մանրամասներ չեն հրապարակվում, սակայն պետք է արձանագրել, որ դեկտեմբերի 20-ը դեռևս խորհրդային տարիններին նշվել է որպես «Չեկիստի օր»։ Խորհրդային Միության փլուզումից հետո նախկին խորհրդային հանրապետություններից շատերում դեկտեմբերի 20-ը շարունակել են նշել որպես Ազգային անվտանգության մարմինների աշխատողի օր։
