«Հայկական ատոմային էլեկտրակայան» ՓԲԸ-ն հունվարի 30-ին դիմել է Հանրային ծառայությունները կարգավորող հանձնաժողովին՝ խնդրելով թույլ տալ վարձակալության հանձնել իրեն պատկանող, բայց չօգտագործվող 540 քմ մակերեսով տարածքը։
Արմավիրի մարզի Մեծամոր համայնքում գտնվող տարածքը վարձակալության կտրվի «Ռեդի-Սթեդի» ընկերությանը ճաշարան բացելու համար։ Այն հանրությանը հայտնի է «Արտ Լանչ» կաֆետերիաների ցանցով։ ՀԾԿՀ-ն գտել է, որ դիմումի մերժման հիմքերը բացակայում են ու նախագիծ է ներկայացրել՝ դիմումին համաձայնություն տալու վերաբերյալ։
Նախագիծը կքննարկվի ՀԾԿՀ-ի այսօրվա նիստում։
