24.04.2026 | 23:32
Կապանում ջրանջատում կլինի
«Քանդեցին, սենց կեղտաբուն դարձավ, մնաց»․ աղբով լի հսկայական փոս՝ Գայի պողոտայի մոտ. ՏԵՍԱՆՅՈՒԹ
Հասարակություն
04.03.2024 | 19:32
Կենցաղային աղբ, ծառերի չորացած ճյուղեր, առնետներ․ տարիներ շարունակ Նոր Նորքի Գայի պողոտայի այգին անմխիթար վիճակում է գտնվում, որտեղ հսկայական փոս է փորվել և աղբանոցի վերածվել։ Փոսի մոտով անցնելիս քաղաքացիներից ոմանք կես կատակ-կես լուրջ ասում են՝ ինչքան մենք կանք, այնքան էլ այս փոսը։
Ուշագրավ է, որ փոսը Նոր Նորք վարչական շրջանի շենքից ոչ հեռու է՝ դիմացի այգում։ Բացի աղբից՝ փոսը լցված է չորացած ճյուղերով, որոնք այստեղ են տեղափոխվել ծառերի էտից հետո։
Վարչական շրջանի կոմունալի տնտեսության բաժնի պետ Հայկ Մարտիրոսյանի խոսքով՝ տարածքը տարիներով սեփականաշնորհված է, իսկ սեփականատերը փորձել է այստեղ ինչ-որ շինություն կառուցել և ապօրինի հիմք է փորել։
Հարցին՝ արդյո՞ք քաղաքապետարանը չի կարող պարտադրել սեփականատիրոջը փոսը հողով լցնել կամ հենց համայնքը կազմակերպի հողալցման աշխատանքները, Մարտիրոսյանը պատասխանեց, որ համայնքը մեծ գումար է ծախսելու հողալցման աշխատանքներ իրականացնելու համար, իսկ սեփականատիրոջը, ըստ պաշտոնյայի, երևի չեն կարողացել պարտադրել։
Ի վերջո, ինչպե՞ս է լուծվելու տարիներով աղբանոցի վերածված փոսի խնդիրը․ մեր ահազանգից հետո վարչական շրջանի կոմունալի տնտեսության բաժնի պետն ասաց՝ աշխատակիցներ կմոտենան և կմաքրեն տարածքը։ Ստացվում է՝ ոչ մի երաշխիք չկա, որ կարճ ժամանակ անց այն նորից չի վերածվի աղբանոցի և առնետների որջի։
Մանրամասները՝ տեսանյութում։
Անի Թամրազյան
