08.07.2026 | 15:53
Արմավիրի մարզում լցակայաններից մեկում հեղուկ գազի և բենզինի վաճառքը կասեցվել է
Վահագն Վերմիշյանն ազատ կարձակվի
Հասարակություն
04.03.2024 | 17:08
ՀՀ քաղաքաշինության կոմիտեի նախկին նախագահ Վահագն Վերմիշյանն ազատ կարձակվի: Այս մասին հայտնում է նրա պաշտպան Ալեքսանդր Կոչուբաևը։ «4 տարի և 1 ամիս անօրինական կալանքից հետո Վերմիշյանն ազատ կարձակվի։ Հակակառուպցիոն վերաքննիչ դատարանը բավարարեց կալանավորման փոփոխության միջնորդությունը»,– գրել է նա ֆեյսբուքյան իր էջում։
Հիշեցնենք` Վահագն Վերմիշյանին մեղադրանք էր առաջադրվել առանձնապես խոշոր չափի կաշառք ստանալու համար։ Մասնավորապես, նա մեղադրվում էր պաշտոնեական դիրքը ծառայության շահերին հակառակ օգտագործելու, պաշտոնեական լիազորությունները չարաշահելու և ձեռնարկատիրական գործունեությամբ զբաղվելու, նաև առանձնապես խոշոր չափի կաշառք ստանալու, խարդախությամբ գույք հափշտակելու համար: 2020 թվականի փետրվարի 5-ին Վերմիշյանը ձերբակալվեց, ապա կալանավորվեց։ 2023 թվականի մայիսին նա դատապարտվեց 8 տարվա ազատազրկման։
Քաղաքաշինության կոմիտեի նախկին ղեկավարը մինչ օրս էլ չի ընդունում իրեն առաջադրված մեղադրանքը
