15.09.2026 | 11:24
«Դիլիջան» ազգային պարկի 1.75 հա հողատարածք վերադարձվել է պետությանը
Աննա Հակոբյանի նախկին «ախրանիկը»՝ ՊՊԾ պետ
Քաղաքականություն
04.03.2024 | 14:23
Վարչապետի և բարձրաստիճան այլ պաշտոնյաների անվտանգությունն ապահովող ՊՊԾ-ն նոր ղեկավար ունի։ Նիկոլ Փաշինյանն այս պաշտոնում նշանակել է Արթուր Գասպարյանին։ Նա մինչ այս զբաղեցնում էր ծառայության ղեկավարի տեղակալի պաշտոնը, իսկ ավելի վաղ՝ հետհեղափոխական Հայաստանում ապահովում էր Փաշինյանի տիկնոջ անվտանգությունը։
Հիշեցնենք՝ ՊՊԾ պետի պաշտոնը թափուր էր 2023 թվականի սեպտեմբերի 10-ից, երբ Նիկոլ Փաշինյանը պաշտոնանկ արեց Սարգիս Հովհաննիսյանին։ Պատճառն, ըստ շրջանառվող տեղեկությունների, կառավարական առանձնատների հարևանությամբ գտնվող ռեստորանի կողմից կազմակերպված հրավառությունն է եղել։
Հիշեցնենք, որ 2019 թվականին Նիկոլ Փաշինյանն Ազգային անվտանգության ծառայություն այցի շրջանակում ԱԱԾ աշխատակցի օրվա առիթով պարգևներ և շնորհակալագրեր էր հանձնել ԱԱԾ մի խումբ սպաների։ Պարգևատրվածների թվում էր նաև վարչապետի տիկնոջ՝ Աննա Հակոբյանի անվտանգությունն ապահովող ԱԱԾ աշխատակիցը: Նա այդ ժամանակ Պետական պահպանության ծառայության ավագ թիկնապահ էր։
