12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Սերդարի հետ խոսել ենք, սահմանը կբացվի երրորդ երկրների քաղաքացիների համար․ Ռուբինյան․ ՏԵՍԱՆՅՈՒԹ
Քաղաքականություն
01.03.2024 | 13:57
Մենք պատրաստ ենք լիովին կարգավորել հարաբերությունները Թուքիայի հետ և ապաշրջափակել հաղորդակցությունները։ Անթալիայի դիվանագիտական 3-րդ համաժողովում ընթացող «Խաղաղություն, զարգացում և փոխկապակցվածություն Հարավային Կովկասում» պանելային քննարկմանն ասել է Թուրքիայի հետ հարաբերությունների կարգավորման հարցով ՀՀ բանագնաց Ռուբեն Ռուբինյանը։
«Մենք պատրաստ ենք Թուրքիայի հետ սահմանը բացել հենց հիմա, եթե Սերդարը համաձայն է, այդ մասին կարող ենք հայտարարել։ Կարող ենք այս ֆորումը պատմական դարձնել»,- ասել է Ռուբինյանը։
Նա նշել է, որ 2022 թվականի հունիսին կողմերը համաձայնել էին և հանրային հայտարարել, որ ցամաքային սահմանները կբացվեն երրորդ երկրների քաղաքացիների ու դիվանագիտական անձնագիր ունեցող անձանց համար, սակայն 2023-ի ամռանը, ցավոք, դեռևս այն տեղի չի ունեցել, թեպետ ենթակառուցվածքները պատրաստ են։
ՀՀ ԱԺ փոխնախագահը նաև հիշեցրել է, որ սահմանն անցյալ տարի բացվել էր երկրաշարժից տուժած Թուրքիային օգնություն հասցնելու համար։
Ռուբինյանը հույս է հայտնել, որ այդ պայմանավորվածությունները կիրագործվեն, որոնք դրական ազդեցություն կունենան նաև Հայաստան-Ադրբեջան բանակցությունների վրա։
Մանրամասները՝ տեսանյութում։
