25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Կյանքից հեռացել է Նիկոլայ Ռիժկովը
Քաղաքականություն
28.02.2024 | 11:20
94 տարեկանում մահացել է ԽՍՀՄ կառավարության նախկին ղեկավար Նիկոլայ Ռիժկովը։ Այս մասին տելեգրամյան իր ալիքում հայտնել է ՌԴ Դաշնային խորհրդի խոսնակ Վալենտինա Մատվիենկոն։
«Յուրահատուկ ճակատագրի տեր մարդ ու եզակի մասշտաբի պետական գործիչ։ Մեծ հոգու տեր։ Դա դրսևորվել է այն ամենում, ինչ նա ձեռնարկել է»,- գրել է Մատվիենկոն։
Ռիժկովը 1974-1989 թվականներին եղել է ԽՍՀՄ Գերագույն խորհրդի պատգամավոր։ 1985-1991 թվականներին աշխատել է որպես ԽՍՀՄ Մինիստրների խորհրդի նախագահ։
1988 թվականի դեկտեմբերի 7-ին նշանակվել է Սպիտակի երկրաշարժի հետևանքների վերացման աշխատանքները ԽՍՀՄ մասշտաբով համադրելու և տուժածներին օգնություն ցույց տալու համար ստեղծված ԽՄԿԿ ԿԿ քաղբյուրոյի հանձնաժողովի նախագահ։
Նշենք, որ 2008թ-ին Ռիժկովն արժանացել է «Հայաստանի Ազգային հերոս» բարձրագույն կոչմանը։
