22.11.2024 | 20:16
Ֆրանսիայի արտաքին գործերի նախարարությունն ի գիտություն է ընդունել Նեթանյահուի նկատմամբ ՄՔԴ-ի կալանավորման օրդերը
Ահազանգ ՔՊ-ի Արաբկիրի գրասենյակի մոտ պայթուցիկ սարքի առկայության մասին
26.02.2024 | 15:39
Այսօր ոստիկանությունն պայթուցիկ սարքի առկայության մասին ահազանգ է ստացել։ Տեղեկությունը Factor.am-ին փոխանցեցին ՆԳՆ լրատվության վարչությունից։
«Արաբկիր վարչական շրջանի Գյուլբենկյան 30/3 հասցեում պայթուցիկ սարքին նմանվող առարկայի մասին է եղել ահազանգը, ՆԳՆ ոստիկանության օպերատիվ քննչական խումբ է մեկնել դեպքի վայր»։
Factor.am-ի թղթակիցը տեղից հայտնում է, որ իրավապահները սահմանազատել են տարածքը և կասկածելի իրը տեղափոխել։
Հիշեցնենք, որ փետրվարի 22-ին ևս նմանատիպ ահազանգ էր հնչել նույն տարածքից։ Ժամը 20։30-ի սահմաններում ՀՀ ներքին գործերի նախարարության ոստիկանության Երևան քաղաքի վարչությունում և ոստիկանության Արաբկիրի բաժնում օպերատիվ տեղեկություններ էին ստացվել, որ Գյուլբենկյան 33 շենքի մոտ պայթուցիկ է տեղադրված։ Այս հատվածում է տեղակայված ԱԺ ՔՊ խմբակցության պատգամավոր Գուրգեն Արսենյանի ղեկավարած Միավորված աշխատանքային կուսակցության գրասենյակը։
