Հասարակություն
22.02.2024 | 17:39
Հայաստանի Հանրապետության գլխավոր դատախազությունն այսօր ՀՀ իրավասու մարմնից ստացել է Ռուսաստանի Դաշնության իրավապահ մարմինների կողմից նախօրեին հայտնաբերված՝ հետախուզման մեջ գտնվող ադրբեջանցուն Հայաստանի Հանրապետությանը հանձնելու վերաբերյալ փաստաթղթերի փաթեթը․ տեղեկացնում են ՀՀ գլխավոր դատախազությունից։
Նշված փաթեթը՝ ՀՀ գլխավոր դատախազության կողմից կազմված հանձնման միջնորդության հետ միասին, քիչ առաջ ուղարկվել է ՌԴ գլխավոր դատախազություն:
Հիշեցնենք, որ Facto.am-ը ավելի վաղ տեղեկացրել էր, որ հայ ծերունուն սպանած ադրբեջանցուն Մոսկվայում ձերբակալել են, ապա ազատ արձակել։
