08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
ՀՀ-ում ԵՄ առաքելությունը մեկ տարում 1720 պարեկություն է իրականացրել․ հրամանատար Տոմատը եղել է Ջերմուկում
Քաղաքականություն
21.02.2024 | 10:45
Հայաստանում ԵՄ քաղաքացիական առաքելությունը (EUMA) երեկ նշել է իր գործունեության առաջին տարին։ Ինչպես ասվում է X-ում արված առաքելության գրառման մեջ, 365 օրերի ընթացքում առաքելությունն իրականացրել է ավելի քան 1720 պարեկություն։
Ջերմուկի մերձակայքում պարեկության ժամանակ ԵՄ քաղաքացիական առաքելությունը նաև ընդունել է ԵՄ արտաքին գործողությունների ծառայության քաղաքացիական գործողությունների հրամանատար Ստեֆանո Տոմատին։
«EUMA-ն պատիվ է ունեցել հյուրընկալելու քաղաքացիական գործողությունների հրամանատար Ստեֆանո Տոմատին Ջերմուկում պարեկային ծառայության ժամանակ: Անկախ եղանակային պայմաններից՝ առաքելությունը շարունակում է իր պարեկային գործունեությունը։ Այսօր լրանում է EUMA-ի 1-ամյակը: Մինչ օրս Առաքելությունն իրականացրել է ավելի քան 1720 պարեկություն»,-ասված է գրառման մեջ:
