06.08.2026 | 14:51
Թրամփը հայտարարել է, որ ԱՄՆ-ը զինամթերքի «հսկայական պաշարներ» ունի՝ դրանց սպառվելու մասին հաղորդումների ֆոնին
Հաագայի դատարանը սկսում է Իսրայելի կողմից Պաղեստինի օկուպացիայի վերաբերյալ լսումները
Քաղաքականություն
19.02.2024 | 18:18
Արդարադատության միջազգային դատարանը սկսում է 1967 թվականից ի վեր օկուպացված պաղեստինյան տարածքներում Իսրայելի գործողությունների իրավական հետևանքների վերաբերյալ լսումները: Սպասվում է, որ դատավարությանը ելույթ կունենան 52 պետությունների ներկայացուցիչներ, գրում է ERR-ը։
Լսումները սկսվել են 2022 թվականի դեկտեմբերին ՄԱԿ-ի Գլխավոր վեհաժողովի դիմումի հիման վրա, որը խնդրել է դատարանին գնահատել «օկուպացված պաղեստինյան տարածքում, ներառյալ՝ Արևելյան Երուսաղեմում Իսրայելի քաղաքականությունից և գործելակերպից բխող» իրավական հետևանքները, հաղորդում է Deutsche Welle-ն։
ՄԱԿ-ի Գլխավոր վեհաժողովի խնդրանքը բարձրացնում է նաև «Իսրայելի կողմից Պաղեստինի ժողովրդի ինքնորոշման իրավունքի շարունակական ոտնահարման» հարցը։ Բացի այդ, ակնկալվում է, որ Հաագայի դատարանը կպատասխանի հարցին, թե ինչ հետևանքներ ունի ստեղծված իրավիճակը ՄԱԿ-ի և այլ երկրների համար։
Նշենք, որ Արդարադատության միջազգային դատարանի խորհրդատվական կարծիքը պարտադիր չէ։ Դատավարությունը տեղի է ունենում Իսրայելի վրա աճող միջազգային իրավական ճնշման ֆոնին Գազայի հատվածում նրա ռազմական գործողության պատճառով՝ ի պատասխան իսլամիստական ՀԱՄԱՍ շարժման հարձակման:
