Անկարայում տեղի է ունեցել Ադրբեջանի նախագահ Իլհամ Ալիևի դիմավորման պաշտոնական արարողությունը։ Տեղական լրատվամիջոցների փոխանցմամբ՝ մեկնարկել են նաև Թուրքիայի նախագահ Ռեջեփ Թայիփ Էրդողանի և Իլհամ Ալիևի բանակցությունները։ Ալիևն Անկարա է ժամանել նախօրեին՝ Մյունխենից։ Փետրվարի 7-ի արտահերթ ընտրությունների արդյունքներով Ադրբեջանի նախագահի պաշտոնում վերընտրվելուց հետո սա Ալիևի առաջին այցն է Թուրքիա։