12.03.2026 | 23:35
Վթար Երասխ-Երևան ավտոճանապարհին․ կան տուժածներ
«Աֆրիկյան ժանտախտ է տարածված»․ ֆերմերը պնդում է՝ 137 հատ խոզ անկել է այդ պատճառով, ՍԱՏՄ-ն ուսումնասիրում է. ՏԵՍԱՆՅՈՒԹ
Հասարակություն
16.02.2024 | 18:15
Կոտայքի մարզի Կամարիս գյուղում խոզերի անկման բազմաթիվ դեպքեր են գրանցվել։ Կամարիսի վարչական ղեկավար Հովհաննես Սարգսյանը Factor.am-ի հետ զրույցում ասաց, որ իրեն է դիմել գյուղի ֆերմերներից մեկն ու ասել, որ իր խոզերից 137-ը անկել է, մեկ այլ գյուղացի շուրջ 35 անկած կենդանու մասին է ահազանգել։
Վարչական ղեկավարի խոսքով՝ առայժմ անհայտ է, թե ինչից են խոզերն անկում, այնինչ ֆերմեր Արարատ Դանիելյանի խոսքով՝ խոզերը անկում են աֆրիկական ժանտախտից։
«10 անասնաբույժ եմ բերել, բոլորը խոզերի փորերը բացում են ու ասում են, որ աֆրիկական ժանտախտ է»,- Factor.am-ի հետ զրույցում ասաց ֆերմերը՝ նշելով, որ մի քանի օրվա ընթացքում անկել են իր բոլոր՝ 137 խոզերը։
Արարատ Դանիելյանը հայտնեց, որ փոս են փորել, բոլոր անկած խոզերին լցրել մեջն ու այրել։ «Էս հիվանդությունը վերջին չորս օրերի ընթացքում է տարածվել, հենց կպնում են չորրորդ օրը սատկում են»։
Սննդի անվտանգության տեսչական մարմնից Factor.am-ին փոխանցեցին, որ նմուշներ են վերցրել, առայժմ սպասում են պատասխանին, թե ինչից են անկում կենդանիները։
Տեսանյութը՝ այս հղմամբ։
