07.12.2025 | 12:05
Ով է պատարագիչ քահանան Յոթ Վերք եկեղեցում
Վահան Քերոբյանի նկատմամբ խափանման միջոց ընտրվեց տնային կալանքը․ ՏԵՍԱՆՅՈՒԹ
Հասարակություն
16.02.2024 | 13:18
Հակակոռուպցիոն դատարանի որոշմամբ Էկոնոմիկայի նախկին նախարար Վահան Քերոբյանի նկատմամբ խափանման միջոց է ընտրվել տնային կալանքը 2 ամիս ժամկետով։
Ավելի վաղ տեղեկացրել էինք, որ նախկին նախարարը երեկ մոտ 5 ժամ Քննչական կոմիտեում էր, որտեղ հարցաքննվել է «Սիներջի»-ի գործի շրջանակներում, ինչից հետո նրան մեղադրանք է առաջադրվել, հարուցվել հանրային քրեական հետապնդում Էկոնոմիկայի նախարարության կարիքների համար ծառայության ձեռքբերման մրցույթի ընթացքում առերևույթ չարաշահումների մասով։ Նախնական տվյալներով՝ Քերոբյանը մեղադրվում է խմբի կազմում շահադիտական նկատառումներով, նախնական համաձայնությամբ պաշտոնեական լիազորությունները չարաշահելու, անցնելու, դրանք օգտագործելու կամ ազդեցությունը կիրառելու հոդվածով։
Պաշտպանական թիմի փոխանցմամբ` Վահան Քերոբյանը չի ընդունում առաջադրված մեղադրանքը։ Կբողոքարկվի նաև տնային կալանքի որոշումը։
