05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Մի քանի ժամից պարզ կդառնա` Քերոբյանը կալանավորվո՞ւմ է, թե` ոչ
Հասարակություն
16.02.2024 | 11:05
Էկոնոմիկայի նախկին նախարար Վահան Քերոբյանի խափանման միջոցի վերաբերյալ Հակակոռուպցիոն դատարանն իր որոշումը հրապարակելու է ժամը 13։00-ին։ Այս մասին Factor.am-ի հետ զրույցում ասաց Հակակոռուպցիոն դատարանների խոսնակ Մերի Գևորգյանը։ Նրա հաղորդմամբ` հարցի քննարկումը տեղի է ունեցել գիշերը։
Ավելի վաղ տեղեկացրել էինք, որ նախկին նախարարը երեկ մոտ 5 ժամ Քննչական կոմիտեում էր, որտեղ հարցաքննվել է «Սիներջի»-ի գործի շրջանակներում, ինչից հետո նրան մեղադրանք է առաջադրվել, հարուցվել հանրային քրեական հետապնդում Էկոնոմիկայի նախարարության կարիքների համար ծառայության ձեռքբերման մրցույթի ընթացքում առերևույթ չարաշահումների մասով։
Նախնական տվյալներով՝ Քերոբյանը մեղադրվում է խմբի կազմում շահադիտական նկատառումներով, նախնական համաձայնությամբ պաշտոնեական լիազորությունները չարաշահելու, անցնելու, դրանք օգտագործելու կամ ազդեցությունը կիրառելու հոդվածով։
Պաշտպանական թիմի փոխանցմամբ` Վահան Քերոբյանը չի ընդունում առաջադրված մեղադրանքը։
