24.06.2026 | 12:54
Խալաֆյանների դաժան սպանությունից հետո վերադարձել են ու հարձակվել բեռնատարի վրա. Արա Ղազարյան․ ՏԵՍԱՆՅՈՒԹ
Կշարունակենք Հայաստանին ու Ադրբեջանին մերձեցնելու փորձերը․ Ջեյմս Օ՛Բրայեն
Քաղաքականություն
14.02.2024 | 14:30
ԱՄՆ պետքարտուղարի Եվրոպայի ու Եվրասիայի հարցերով տեղակալ Ջեյմս Օ՛Բրայենը Եվրոպա մեկնելուց առաջ (նա ուղեկցում է պետքարտուղար Էնթոնի Բլինքենին Ալբանիա ու Գերմանիա այցերի ընթացքում) լրագրողների հետ զրույցում անդրադարձել է Հայաստանի դեմ Ադրբեջանի վերջին ագրեսիային։
«Ես չեմ ուզում շահարկել վերջին օրերի կոնկրետ գործողությունները, ուստի մենք պարզապես կշարունակենք կողմերին մերձեցնելու փորձերի ուղին»,- ասել է Օ՛Բրայենը՝ չպատասխանելով հարցին՝ արդյո՞ք Մյունխենի անվտանգության գագաթնաժողովում սպասվում է հանդիպում կամ շփում հայկական ու ադրբեջանական կողմերի հետ։
Հիշեցնենք՝ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ էին բացել Ներքին Հանդի հատվածում տեղակայված հայկական դիրքերի ուղղությամբ: Ադրբեջանի ագրեսիայի հետևանքով հայկական կողմն ունի 4 զոհ և 1 վիրավոր։ Ավելի ուշ Բաքուն պաշտոնապես ընդունել էր, որ Հայաստանի ինքնիշխան տարածքի՝ Սյունիքի մարզի Ներքին Հանդի հատվածում հայկական դիրքերի ուղղությամբ հերթական ագրեսիան է իրականացրել։
