15.09.2026 | 12:25
Լոռու Սարատովկա բնակավայրում կասեցվել է ձկնաբուծարանի ապօրինի ջրառը
6 հոգի սրճարանում սնվելուց հետո սալմոնելոզով հիվանդանոց է տեղափոխվել
13.02.2024 | 16:56
Փետրվարի 8-ին և 9-ին Ինֆեկցիոն հիվանդությունների ազգային կենտրոն 6 անձ է դիմել սրտխառնոցի, փորլուծության, ընդհանուր թուլության գանգատներով, պարզվել է, որ բոլոր անձինք այցելել են նույն սրճարան։ Այս մասին Factor.am-ին փոխանցեցին «Ինֆեկցիոն հիվանդությունների ազգային կենտրոն»-ի հանրային կապերի բաժնից։
«Սալմոնելոզ հիվանդության առկայությունը ստուգելու համար հետազոտություն է արվել և 6-ի մոտ էլ հաստատվել է։ Այս պահի դրությամբ նրանք դուրս են գրվել»։
«Ինֆեկցիոն հիվանդությունների ազգային կենտրոն»-ի հանրային կապերի բաժնից հայտնեցին, որ 6-ից երկուսը օտարեկրյա քաղաքացիներ են եղել։
«Համացանցում տեղեկություն է շրջանառվում, որ մեկ օրվա համար 90 հազար դրամ է վճարվել, սակայն սալմոնելոզի դեպքում ՀՀ քաղաքացիների բուժումը կատարվում է ամբողջությամբ անվճար։ ՀՀ քաղաքացի չհանդիսացող անձանց համար վճարովի է յուրաքանչյուրի բուժման 1 մեկ օրվա արժեքը 45 000 դրամ», – հայտնեցին կենտրոնից։
Ֆեյսբուքում օգտատերերը ահազանգում էին, որ թունավորում է տեղի ունեցել Պուշկին 39 հասցեում գտնվող «Ջուլիս» սրճարանում։ ՍԱՏՄ իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանը Factor.am-ին հայտնեց, որ թունավորման դեպքով ահազանգ է եղել տեսչական մարմին։
«Դեռ ուրբաթ օրը տվյալ սրճարանում վերահսկողություն է իրականացվել և տեսչական մարմինը նմուշառումներ է վերցրել։ Դրանք լաբորատոր փորձաքննության են տարվել, վաղը փորձաքննությոան արդյունքները հայտնի կլիեն»,- ասաց Հարությունյանը։
Անի Թամրազյան
