15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
ԱԳՆ-ն` կայքից Արցախի մասին տեղեկությունները հեռացնելու մասին
Քաղաքականություն
13.02.2024 | 13:01
Արտաքին գործերի նախարարության մամուլի խոսնակ Անի Բադալյանը Factor.am-ի հետ զրույցում անդրադարձել է ԱԳՆ պաշտոնական կայքից «Լեռնային Ղարաբաղի հիմնախնդիր» բաժնի բովանդակությունը հեռացնելուն։ Չնայած, որ կայքում այս պահին էլ բաժնում բովանդակությունը բացակայում է՝ Անի Բադալյանը փոխանցեց. «Լեռնային Ղարաբաղի հակամարտության վերաբերյալ բաժինն ԱԳՆ կայքէջից չի հեռացվել, իսկ բովանդակությունն արտացոլված կլինի պատշաճ ժամկետներում: Հորդորում ենք տեղեկատվական դաշտում զերծ մնալ թեմայի անհարկի շահարկումներից»։
Նշենք, որ Ադրբեջանի նախագահի հատուկ հանձնարարություններով դեսպան Էլչին Ամիրբեկովը «Ազատությանը» տված հարցազրույցում խնդրահարույց էր համարել Հայաստանի արտգործնախարարության պաշտոնական կայքում նշված ձևակերպումը, որ «Արցախը պատմական Հայաստանի անբաժանելի մասն է»։
Այդ հայտարարությունից հետո Factor.am-ն ուսումնասիրել էր ԱԳՆ կայքը․ այդ ժամանակ արձանագրել էինք, որ փոփոխություններ չկան, իսկ այսօր առավոտյան պարզվեց, որ Արցախին առնչվող բաժնի բովանդակությունն անհասանելի է։
