15.09.2026 | 14:17
Քրիստինե Վարդանյանը պետք է լինի հայ քաղաքական կյանքի վերջին դաշնակցականը․ Եղոյան․ ՏԵՍԱՆՅՈՒԹ
Վաշինգտոնը կշարունակի հետամուտ լինել ՀՀ-ի և Ադրբեջանի միջև երկխոսությանը․ Միլլեր
Քաղաքականություն
13.02.2024 | 11:24
ԱՄՆ-ը կշարունակի հետամուտ լինել Հայաստանի և Ադրբեջանի միջև հակամարտության շուրջ շարունակական երկխոսությանը։ Այս մասին ճեպազրույցի ժամանակ հայտարարել է ԱՄՆ Պետքարտուղարության խոսնակ Մեթյու Միլլերը։
«Մենք ակնհայտորեն աջակցում ենք շարունակական երկխոսությանն այդ հարցի շուրջ։ Մենք հավատում ենք, որ դա լավագույն միջոցն է հակամարտության կայուն ավարտին հասնելու համար, և մենք կշարունակենք հետամուտ լինել դրան»,-հայտարարել է Միլլերը՝ պատասխանելով ՀՀ-ի և Ադրբեջանի միջև բանակցային գործընթացի վերաբերյալ հարցին։
Հիշեցնենք, որ ավելի վաղ ԱՄՆ Պետքարտուղարության գլխավոր փոխխոսնակ Վեդանտ Պատելը, անդրադառնալով ՀՀ-Ադրբեջան խաղաղության պայմանագրի կնքման շուրջ բանակցություններին, նշել էր, որ ԱՄՆ ջանասիրաբար աշխատելու է վերջնագիծը հատելու համար։
