04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Թբիլիսյան խճուղում գտնվող պահեստային տարածքում հրդեհի տարածումը կանխվել է. ՆԳՆ մամուլի քարտուղար
10.02.2024 | 13:15
Ներքին գործերի նախարարության մամուլի քարտուղար Նարեկ Սարգսյանը մանրամասներ ներկայացրեց Թբիլիսյան խճուղում գտնվող պահեստային տարածքում բռնկված հրդեհի դեպքից։ «Արմենպրես»-ի հաղորդմամբ՝ լրագրողների հետ զրույցում Սարգսյանը նշեց, որ փետրվարի 10-ին ժամը 9։40-ի սահմաններում Ճգնաժամային ազգային կենտրոն ահազանգ է ստացվել, որ Թբիլիսյան խճուղու պահեստային տարածքում հրդեհ է բռնկվել։
«Անմիջապես դեպքի վայր են ժամանել ներքին գործերի նախարարության փրկարար ծառայության աշխատակիցները, նաև ոստիկանության ծառայողներ։
Կարճ ժամանակում կանխվել է հրդեհի տարածումը և այս պահին հրդեհաշիջման աշխատանքներ են տարվում։ Նախնական տվյալներով՝ տուժածներ չկան։ Մեկ հրշեջ և մեկ քաղաքացի ծխահարվել են, որոնց ցուցաբերվել է առաջին բուժօգնություն»,- ասաց Նարեկ Սարգսյանը։
Նա նշեց, որ քննությունը կպարզի հրդեհի բռնկման պատճառը։
Ըստ նախնական տվյալների՝ հրդեհ է բռնկվել 25000 քմ մակերեսով պահեստի 6000 քմ հատվածում։
