14.10.2026 | 14:53
Բաքուն Իրանին և Թուրքիային մեղադրում է Ադրբեջանի դեմ տեղեկատվական հարձակումների մեջ
ՊԵԿ-ի՝ աղմկահարույց պատմությունների մեջ հայտնված պաշտոնյան ազատվեց աշխատանքից
Քաղաքականություն
10.08.2018 | 12:00
ՀՀ վարչապետ Նիկոլ Փաշինյանն Արա Գաբրիելյանին ազատել է պետական եկամուտների կոմիտեի նախագահի տեղակալի պաշտոնից. «Ղեկավարվելով «Պետական կառավարման համակարգի մարմինների մասին» օրենքի 7-րդ հոդվածի 3-րդ մասով. Արա Գաբրիելյանին ազատել պետական եկամուտների կոմիտեի նախագահի տեղակալի պաշտոնից՝ իր դիմումի համաձայն»։
Հիշեցնենք, որ, ըստ մամուլի հրապարակումների, սկանդալի կենտրոնում հայտնվել էր ՊԵԿ նախագահի տեղակալ Արա Գաբրիելյանը, որը, պարզվում է, ոչ վաղ անցյալում ԱՄՆ-ում դատապարտվել է GPS-ի միջոցով 35-ամյա նախկին ընկերուհուն հետապնդելու համար»։
Լրագրողների հետ հանդիպման ժամանակ ՊԵԿ նախագահ Դավիթ Անանյանը սակայն, Գաբրիելյանի վերաբերյալ նշել էր․«Հանրությունը կարող է ունենալ իր սեփական կարծիքը: Օրինակ, նախկին դեմքերն ինչո՞ւ են պաշտոններ ստանում: Մենք այսօր ներքևից համալրում ենք ՊԵԿ-ը երիտասարդներով, բայց վերևի մակարդակում, որոշումներ կայացնողների առումով, իրականացվող քաղաքակությունն այն է, որ ես վստահում եմ փորձառություն ունեցողներին ու որևէ խնդիր չեմ տեսնում: Եթե ՊԵԿ-ն իր առջև խնդիրն իրականացնում է, կադրային նշանակումները ճիշտ էին, եթե ոչ՝ հետևություններ պետք է անենք ու հրաժարական տանք: Ինչ վերաբերում է Արա Գաբրիելյանին. ՀՀ օրենսդրութամբ ինքը հանդիսանո՞ւմ է դատապարտված, մեղադրալ, այսինքն՝ իրավական տեսանկյունից խնդիր ունի՞ նշանակման, թե՞ ոչ ու ի՞նչ հանգամանքներում է եղել, որ ԱՄՆ-ի պես երկիրն իրեն ասել է՝ գնա ձեր երկիր, այսինքն՝ չի դատապարտել: Մեր օրենսդրությամբ ինքը որևէ պատիժ կրած անձ չի հանդիսանում»:
