18.09.2026 | 16:40
Զելենսկին հայտարարել է «Կարպատյան ութնյակի» ստեղծման մասին
Լրագրողներն այսուհետև պաշտոնյաների հետ հարցազրույցներ չեն կարողանա իրականացնել նիստերի դահլիճին հարակից միջանցքում
Քաղաքականություն
09.08.2018 | 15:15
Կառավարության նիստերը լուսաբանող լրագրողներն այսուհետև հնարավորություն չեն ունենա նիստերի դահլիճին հարող միջանցքում անցկացնել հարցազրույցներ պաշտոնյաների հետ՝ անվտանգության նկատառումներից ելնելով։
Այս մասին այսօր Կառավարության նիստի ավարտից հետո լրագրողների հետ զրույցում ասաց Նիկոլ Փաշինյանի մամուլի խոսնակ Արման Եղոյանը։
«Շենքի պահպանության ռեժիմն օրենքով չի որոշվում, դա որոշում է անվտանգության ծառայությունը։ Հատուկ քննարկումից հետո այդպիսի որոշում է կայացվել»,-ասաց նա։
Լրագրողների հետ քննարկումների արդյունքում վարչապետի մամուլի խոսնակն, այդուհանդերձ, ի պատասխան լրագրողների առաջարկի, վստահեցրեց, որ ԶԼՄ ների ներկայացուցիչները հնարավորություն կունենան հարցազրույցներ անցկացնել իրենց նախընտրելի պաշտոնյաների հետ։
Հիշեցնենք, որ այսօր Կառավարության նիստից առաջ լրագրողներին թույլ չտվեցին մուտք գործել նիստերի դահլիճ և հարցազրույցներ անցկացնել հանրապետական գործադիր մարմինների ղեկավարների հետ։
