05.04.2026 | 16:15
Իսրայելը հայտնել է մեկ օրում Իրանում ավելի քան 120 օբյեկտների ուղղությամբ գրոհների մասին
Նոր Արեշում փլատակներից երկու մարմին է դուրս բերվել
05.02.2024 | 16:49
Երևանի Նոր Արեշ 34-րդ փողոցում որոտացած պայթյունի հետևանքով կա երկու զոհ։ Քիչ առաջ փրկարարները փլատակներից դուրս են բերել երկու քաղաքացու մարմին․ Factor.am-ին հայտնեց ՆԳՆ խոսնակ Նարեկ Սարգսյանը։
Ըստ հարևանների՝ մահացածներն ամուսիններ են։ Նարեկ Սարգսյանը տեղեկացրեց, որ որոնողափրկարարական աշխատանքներն ավարտվել են, դեպքի վայրում աշխատում են քննիչները։
Ավելի վաղ, փրկարարները փլատակներից դուրս էին բերել Ռ․ Ն․-ին (ծնված 1938 թ․) և Հ․ Ս.-ին (ծնված 1994 թ․), որոնք հոսպիտալացվել են բժշկական կենտրոն։ Առողջապահության նախարարությունից էլ հայտնել են, որ Ռ․ Ն․-ի առողջական վիճակը միջին ծանրության է, իսկ Հ․ Ս.-ինը՝ կայուն ծանր, նա վերակենդանացման բաժանմունքում է։
Հիշեցնենք, որ այսօր՝ ժամը 11:36-ին, Ճգնաժամային կառավարման ազգային կենտրոն ահազանգ է ստացվել, որ Երևանի Նոր Արեշ 34-րդ փողոցում տեղի է ունեցել պայթյուն:
Թե որն է եղել պայթյունի պատճառը՝ դեռ հայտնի չէ։ Դեպքի առթիվ նախաձեռնվել է քրեական վարույթ։
Արփի Հակոբյան
