04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
ԿԽՄԿ ներկայացուցիչները տեսակցել են Բաքվում կալանավորված Արցախի նախկին ու ներկա պաշտոնյաներին
Քաղաքականություն
05.02.2024 | 16:30
Կարմիր Խաչի միջազգային կոմիտեի (ԿԽՄԿ) ներկայացուցիչները հունվարի վերջին և փետրվարի սկզբին այցելել են Ադրբեջանում ապօրինի կալանքի տակ գտնվող Արցախի նախկին և ներկա պաշտոնյաներին, գրում են ադրբեջանական լրատվամիջոցները։
ԿԽՄԿ Ադրբեջանի ներկայացուցչության հասարակայնության հետ կապերի բաժնի ղեկավար Իլահա Հուսեյնովան ասել է, որ նրանց հետ առանձին հանդիպումներ են տեղի ունեցել, պայմաններ են ստեղծվել ընտանիքի անդամների հետ շփման համար։
Նշվում է, որ իր մանդատի համաձայն՝ նման այցելությունների ընթացքում ԿԽՄԿ-ն գնահատում է կալանքի պայմանները և ձերբակալվածների նկատմամբ վերաբերմունքը։ Կոմիտեն նաև պայմաններ է ստեղծում ընտանիքների հետ նրանց շփումները վերականգնելու կամ շարունակելու համար։
Հիշեցնենք, որ հունվարի վերջին Բաքվի դատարանը ևս 4 ամսով երկարաձգել էր Արցախից առևանգված և ապօրինի կալանավորված նախկին նախագահներ Արայիկ Հարությունյանի, Արկադի Ղուկասյանի, Բակո Սահակյանի, նախկին պետնախարար Ռուբեն Վարդանյանի, ինչպես նաև Արցախի ԱԺ նախագահ Դավիթ Իշխանյանի, ԱԳ նախկին նախարար Դավիթ Բաբայանի, ՊԲ հրամանատարի տեղակալ Դավիթ Մանուկյանի, ՊԲ նախկին հրամանատար Լևոն Մնացականյանի ապօրինի կալանքի ժամկետը:
Էմմա Չոբանյան
