06.10.2026 | 18:02
Ֆրանսիայում դպրոցական բողոքի ցույցերի ընթացքում բախումներ են գրանցվել ոստիկանության հետ․ մի դեռահաս կորցրել է ձեռքը
Ադրբեջանի սահմանը հատած Չեխիայի ձերբակալված քաղաքացու հարցով հետաքննություն է ընթանում
Քաղաքականություն
05.02.2024 | 16:22
Ադրբեջանական լրատվամիջոցները փետրվարի 3-ին տեղեկություններ էին տարածել, թե Հայաստանի հետ սահմանին Չեխիայի քաղաքացի է ձերբակալվել, որը փորձել է ապօրինի հատել սահմանը։ Վկայակոչելով իրազեկ աղբյուրին՝ ադրբեջանական մամուլը գրել էր, թե Չեխիայի քաղաքացին, իբր, «ներխուժել է Ադրբեջանի տարածք՝ շրջանցելով հայկական կողմի ականապատ գոտին»։
Ըստ ադրբեջանական մեդիայի՝ Բաքուն տեղեկությունը փոխանցել է Ադրբեջանում Չեխիայի հյուպատոսություն։ Բաքվում Չեխիայի դեսպանատունն իր հերթին ադրբեջանական Թուրան գործակալությանը իր քաղաքացու ձերբակալման հարցով լրացուցիչ մանրամասներ չի հաղորդել։
«Հարցը հետաքննվում է»,- ասել են դեսպանատնից։
Հայաստանում Չեխիայի դեսպան Պետր Պիրունչիկը «Ազատություն» ռադիոկայանին ավելի վաղ փոխանցել էր, որ դեպքը ոչ մի առնչություն չունի Հայաստանում ԵՄ դիտորդական առաքելության որևէ անդամի հետ՝ ինչպես պնդում էին ադրբեջանական որոշ լրատվամիջոցներ։
«Մենք կարող ենք հաստատել Չեխիայի քաղաքացու ձերբակալումը»,- չեխական CTK լրատվականին ասել է երկրի ԱԳՆ խոսնակ Մարիանա Վերներովան։
Նրա խոսքով՝ ձերբակալության պատճառը Չեխիայի քաղաքացու կողմից ապօրինի սահմանահատումն է։
Էմմա Չոբանյան
