25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Մայթ մաքրող 50 մեքենաներից 15-ը խափանվել է ձնամաքրման աշխատանքների ընթացքում․ Կատվալյան․ ՏԵՍԱՆՅՈՒԹ
Տնտեսություն
05.02.2024 | 09:49
Երևանի քաղաքապետարանի գործակարգավարական խորհրդակցության ժամանակ ԵԱՍՄ հիմնարկի տնօրեն Սաշա Կատվալյանը քաղաքապետ Տիգրան Ավինյանին զեկուցեց, որ ձնամաքրման աշխատանքների ընթացքում 2023-ին ձեռքբերված 50 միավոր մայթ մաքրող մեքենաներից 15-ը խափանվել են։
Factor TV-ն ավելի վաղ հայտնել էր, որ յուրաքանչյուր միավորի համար համայնքային բյուջեից հատկացվել է 692 հազար ՀՀ դրամ, 50 միավոր գնելու համար՝ 34 մլն 600 հազար ՀՀ դրամ։ Քաղաքապետարանն այս գնումն արել է «Մնացական Պողոսյան ԱՁ»-ից, որից 2019 թվականին հարկային պարտավորությունները չկատարելու համար գանձվել է 85709 դրամ։
Կատվալյանը հայտնեց, որ դիմել են մատակարարին և ձեռնարկվում են միջոցներ դրանք վերանորոգելու համար։ Նրա տեղեկացմամբ՝ ձնամաքրման 38 մեքենաներից 7-ը աշխատանքներ իրականացնելու ընթացքում խափանվել են և այժմ վերանորոգվում են, իսկ ԵԱՍՄ պարկում առկա 12 փոշեկուլ մեքենաներից շահագործվում է միայն 4-ը, մյուսները խափանվել են։
Նշենք, որ վերջին շաբաթներին, երբ մայրաքաղաքում առատ ձյուն էր տեղում, քաղաքացիները դժգոհում էին ձնամաքրման աշխատանքների որակից, չմաքրված փողոցների ու մայթերի լուսանկարներ հրապարակում։
Արփի Հակոբյան
